ماڵپەڕێكی عێراقی لەزاری سەرچاوەیەکی ناو پارتیەوە ئاشکرایکردووە پارتی پەنای برۆدتە بەر عەبدولـلەتیف سەلەفی بۆ ئەوەی لە ریفراندۆمدا پشتیوانی بكات. ماڵپەڕی (بغداد الیوم)، لە هەواڵێكدا لە زاری سەرچاوەیەكی نزیك لە پارتی دیموكراتی كوردستان گواستویەتیەوە مەسعود بارزانی لەچوارچێوەی هەوڵەكانیدا فراوانکردنی بەرەی بەڵێ بۆ ریفراندۆم لەگەڵ سەلەفییەكانی كوردستاندا گەیشتووەتە ڕێککەوتن.
بەپێی هەواڵی ماڵپەرە عێراقیەکە، رێككەوتنەكە لەنێوان عەبدولـلەتیف سەلەفی و نوێنەرێكی پارتی لە سلێمانی ئەنجامدراوە و نوێنەرەکەی پارتی بە بڕیاری بارزانی ئەو کارەی کردووە.
سەرچاوەكە ئەوەشی خستۆتەڕوو، بەپێی رێككەوتنەكە پارتی ئازادییەكی زیاتر دەداتە سەلەفییەكان لە مزگەوتەكان و سازكردنی كۆڕو كۆبوونەوە و لەبەرامبەریشدا سەلەفییەكان پشتیوانی ریفراندۆم دەكەن.
عەبدولەتیف سەلەفی بۆ یەکەمجار لە مانگی ئازاری ساڵی رابردوو بە نهێنی لەگەڵ مەسعود بارزانی کۆبویەوە، ئەمەش مانگێک پێش ئەوە هات کە فەزیحەکەی ئاشکرابێت.
مانگی نیسانی ساڵی بۆ ئەکەم جار پەیوەندیی نێوان عەبدولەتیف سەلەفی ئاشکرابوو نێوان لەگەڵ قوتابییەكی پەیمانگەی زانستە ئیسلامییەكان سلێمانی بە ناوی "چاوان سۆران"، ئەوەش لەوکاتەوە بووە رۆژەڤی میدیای كوردی و لە تۆڕە كۆمەڵایەتییەكاندا زۆرترین قسەی لەسەر كرا.
ليست هناك تعليقات:
إرسال تعليق
کۆمێنتەکەت لێرە بنووسە