سکرتێری ئەنجوومەنی باڵای ئاسایشی نیشتمانی ئێران رایگەیاند، ئێران تەنیا حکومەتی یەکپارچە و فیدراڵی عێراق بە فەرمی دەناسێت و لە ئەگەری جیابوونەوەی هەرێمی کوردستان لە عێراق ، هەرچی رێککەوتنە لە نێوانمان هەڵدەوەشێنەوە.
عەلی شەمخانی، سکرتێری ئەنجوومەنی باڵای ئاسایشی نیشتمانی ئێران رایگەیاند، ئەگەر هەرێمی کوردستان لە عێراق جیابێتەوە، پێداچوونەوە بە سەرجەم رێککەوتننامەکانیان لەگەڵ هەرێمی کوردستان دەکەن، چونکە ئێمە رێککەوتنمان لەگەڵ هەرێمی کوردستان هەیە لەچوارچێوەی وڵاتی عێراق. بەگوتەی شەمخانی، یەکێک لەو رێککەوتنانە لەبواری دەروازە سنوورییەکانە و ئەگەر هەرێمی کوردستان لە عێراق جیابێتەوە، بەواتای داخستنی سەرجەم دەروازە و رێڕەوە سنوورییەکانە.
سکرتێری ئەنجوومەنی باڵای ئاسایشی نیشتمانی ئێران داوا لە بەرپرسانی باشووری کوردستان دەکات، پێداچوونەوە بە بڕیاری ئەنجامدانی گشتپرسیدا بکەن و دەڵێت ، دژایەتی دراوسێکانی عێراق لەگەڵ بەڕێوەچوونی گشتپرسی، دۆخێکی ئاڵۆز و دژوار بۆ کوردستان دێنیتە ئاراوە دوای گشتپرسی.
شەمخانی هەروەها دەڵێت ئەگەر گشتپرسی بکرێت وڵاتەکەی هەنگاوی جیاواز لە ساڵانی رابردوو بۆ کردنە ئامانج و رووبەڕووبوونەوەی هێزەکانی دژبەری کۆماری ئیسلامی لە خاکی هەرێمی کوردستان دەگرێتەبەر.
مەسعود بارزانی، سەرۆکی هەرێمی کوردستان رایگەیاندووە، گشتپرسی بۆ سەربەخۆیی باشووری کوردستان لە رۆژی 25ی ئەیلول بەڕێوەدەچێت و دواناخرێت.
ليست هناك تعليقات:
إرسال تعليق
کۆمێنتەکەت لێرە بنووسە