تورکیا هەڕەشە دەکات ئەگەر ریفراندۆم هەڵنەوەشێنرێتەوە

بەکر بۆزداغ، گوتەبێژی حکومەتی تورکیا دەڵیت: لە کۆبوونەوەی حکومەت بەوردی قسە لەسەر ریفراندۆم کرا، دەمەوێ بڵێم قبوڵناکرێ و نامەشروعە، هەڕەشەیە بۆ سەر کۆماری تورکیا، تورکیا لەگەڵ یەکپارچەیی خاکی عێراقە،.

بۆزداغ وتی پلامی خۆمان هەیە ئەگەر ئەو ریفراندۆمە دوانەخرێ بەلام جارێ ئاشکرای ناکەین ئەو هەنگاوانە چیە.

 وتی ریفراندۆم کێشە و گرفت لە ناوچەکەدا زیاد دەکات و ناسەقامگیری ناوچەکە زیاتر دەکات، هەروەها ئاشتەوایی زیاتر تێکدەدات، چەند کێشەیەکی چاوەڕوان نەکراو دروست دەکات، ئەو کەسانەی هەنگاوی بۆ دەنێن، سبەی تووشی چەندین کێشەی چاوەڕوان نەکراو دەبن، عێراق و ئێران دژی ئەمەن، جگە لە ئیسرائیل دونیا دژی ریفراندۆمەکەیە.

هەروەها دەشڵێت: بۆ دوایینجار بانگەواز لە ئیدارەی کوردی باکووری عێراق دەکەین و داوایان لیدەکەین بە عەقڵێکی سەلیمەوە دەست لەم ریفراندۆمە هەڵبگرن و هەڵیبووەشێننەوە، ئەمە سوودی باشی بۆ ناوچەکە دەبێت و خێری پێوە دەبێت، هێشتا کات ماوە و بە هەڵوەشاندنەوەی بەر لە زۆر کێشە دەگرن، ئێمە دژی دواخستنی ریفراندۆمین، بەڵکو دەبێ هەڵبووەشێتەوە و جارێکی دیکە باسی لێوە نەکرێت".

چوەروانی زانیاری زۆرتر...