گەریلاکانی هەپەگە و یەژا ستار بە مەبەستی بەرگریی لە کەرکوک لە ناوەندی شاری کەرکوک هێڵی بەرگرییان دروست کردووەو ڕایانگەیاندووە: ئەوەی دەیەوێت بەرگری لە کەرکوک بکات بێتە ناو سەنگەرەکانی ئێمەوە.پاش ئەوەی چەکدارەکانی حەشدی شەعبی هێرشیان بۆ سەر کەرکوک دەستپێکرد، گەریلاکانی هەپەگە و یەژاستار دەستیانکرد بە دروستکردنی هێڵە بەرگرییەکان لە خەڵک لە ناوەندی شاری کەرکوک.
ژمارەیەکی زۆری هاوڵاتییان چوونەتە ناو سەنگەرەکانی گەریلاکانەوە لە ناوەندی شاری کەرکوک، بەگوێرەی زانیارییەکانی ڕۆژنیوز شەڕ لە ناوەندی شارەکە دەستیپێکردووە.
فەرماندەیی هەپەگە لە کەرکوک ڕایگەیاند: ئەوەی دەیەوێت بەرگری لە کەرکوک بکات بێتە ناو سەنگەرەکانی ئێمەوە.
جێگای ئاماژەیە، کە شەوی ڕابردوو کاتژمێر ٠٢:٣٠ خولەک هێرشیان کردە سەر شارۆچکەی تازەخورماتوو و دوزخورماتوو و هێزەکانی پێشمەرگەش لەو شارۆچکانە کشاونەتەوە، هەروەها لە چەندین جێگا شەڕ لە نێوان هێزەکانی پێشمەرگە و چەکدارەکانی حەشدی شەعبی ڕوویداوە.
ليست هناك تعليقات:
إرسال تعليق
کۆمێنتەکەت لێرە بنووسە