رۆژنامەنوسێك وردەکاریی کوژرانی باسەوانە تایبەتەکەی تاڵەبانی بڵاودەکاتەوە

رۆژنامەنوسێکی رۆژهەڵاتی کوردستان باسی کوژرانی پاسەوانە تایبەتیەکەی تاڵەبانی دەکات و هەروەها باسی بەرەکانی شەڕو دەسەڵاتەکانی بارزانی دەکات.

تێبینی: زانیاریەکان رۆژنامەنوسەکە خۆی لێی بەرپرسە
ر

پێشتر هەواڵی جۆراوجۆر لەسەر کوژرانی سەروەت حاجی رەشید، پاسەوانی تایبەتی جەلال تاڵەبانی، بلاودەکرایەوە بەڵام بنەماڵەكەی سەروەت لەوکاتەدا رایانگەیاند، كە كوڕەكەیان "بە دەستێكی نادیار" كوژراوە، جگە لەوە هەر زانیارییەكی دیكە لەبارەی كوژرانییەوە رەتدەكەنەوە. 

بەپێی راگەیانراوێکی بنەمالەی ناوبراو کە چەند هەفتەیەک دوای کوشتنی کورەکەیان بلاویان کردەوە، رایانگەیاند کە "تەنها بەڕێزان لە سكرتاریەتی هەڤاڵ مام جەلال و دادگاو هێزەكانی پۆلیس و دەزگا ئەمنییەكان مافی لێدوان و قسەكردنیان لەسەر ئەو دۆسیەیە هەیە".

بەرەبەیانی رۆژی چوارشەممە 20-11-2013 لە گەڕەكی كانی با (رۆژهەڵاتی شاری سلێمانی) سەروەت رەشید، بەرپرسی پاسەوانە تایبەتەكانی جەلال تاڵەبانی، پێش گەڕانەوەی بۆ ئەڵمانیا لە ماڵەكەی خۆیدا كوژرا.

پێشتر لەبارەی سەرەداوی لێكۆڵینەوەكان لەبارەی هۆكارەكانی پشت رووداوەكە، عەمید نەوزاد عەلی، بەڕێوەبەری پۆلیسی سلێمانی وتبووی "بەپێی گوتەی خێزانەكەی، چەند كەسێك هاتوونەتە سەریان بۆ ماڵەكەی كە داوای پارەیان لێكردووە‌و دوای دەمەقاڵێ كوشتوویانە".

سەروەت رەشید، لە دایكبووی ساڵی 1971بوو، بەرپرسی پاسەوانە تایبەتەكانی جەلال تاڵەبانی، سكرتێری گشتی یەكێتیی نیشتیمانیی كوردستان بوو.