کۆسرەت رەسول عەلی، جێگری سەرۆکی هەرێمی کوردستان (ماوە بەسەرچوو)، جێگری سکرتێری گشتیی یەکێتیی نیشتمانیی کوردستان، لە هەڤپەیڤینێکدا لەگەڵ رووداو، لەبارەی ژیانی تایبەتی وەڵامی چەند پرسیارێک دەداتەوەو دەڵیت هەمیشە ئامۆژگاری منالەکانی ئەکات خزمەتی خەڵك بكەن و خۆیان دووربگرن لە هەموو شتێك كاریگەریی خراپ بكاتە سەر ناوبانگیان.+: ئەگەر پێشمەرگە و سیاسەتوان نەبوویتایە، چ پیشەیەكت هەڵدەبژارد؟
كۆسرەت رەسوڵ: حەزم دەكرد پارێزەر بم، بۆ ئەوەی بەرگری لە مافەكانی خەڵك بكەم.
+: حەزت لە دەنگی چ گۆرانیبێژێكە؟
كۆسرەت رەسوڵ: تەحسین تەها و حەسەن زیرەك.
+: خولیای چ جۆرە وەرزشێكی، هاندەری چ هەڵبژاردە و یانەیەكی؟
كۆسرەت رەسوڵ: حەزم لە تۆپی پێیە. هاندەری یانەی مانچستەر یونایتدم، ئەویش لەبەر دڵی دەرباز و شاكێو.
+: خۆشترین شوێن بە لای تۆ كوێیە؟
كۆسرەت رەسوڵ: لە كوردستان دۆكان. لە جیهانیش ئیتاڵیا.
+: حەزت لە چ جۆرە خواردنێكە؟
كۆسرەت رەسوڵ: هەموو جۆرە خواردنێكی كوردەواری دەخۆم.
+: جگە لە مام جەلال، حەز لە نوكتەی كێ دەكەی؟
كۆسرەت رەسوڵ: نوكتەكانی كەمال شاكر.
+: قسەی دڵی خۆت لای كێ دەكەی؟
كۆسرەت رەسوڵ: هەندێ كات قسەی دڵی خۆم لای كەس ناكەم.
+: حەز دەكەی بەناوی باوكی رێناس بانگت بكەن یان ناوێكی دیكە؟
كۆسرەت رەسوڵ: هیچ جیاوازییەكی نییە بەهەر ناوێك بانگم بكەن.
+: سەختترین ئازار لە ژیانتدا بینیبێتت چییە؟
كۆسرەت رەسوڵ: ئەشكەنجە و ئازاری بەندیخانەی بەعس لە ساڵی 1977.
+: رێبازی كوڕت چ مانایەكی هەیە بۆ تۆ؟
كۆسرەت رەسوڵ: كە بەبیرم دێتەوە دڵم دەسووتێ.
+: چ ئامۆژگارییەك بەردەوام بە بیری منداڵەكانت دەهێنییەوە؟
كۆسرەت رەسول: خزمەتی خەڵك بكەن و بەوەفا بن بۆ كورد، خۆتان دووربگرن لە هەموو شتێك كە كاریگەریی خراپ بكاتە سەر ناوبانگتان.
ليست هناك تعليقات:
إرسال تعليق
کۆمێنتەکەت لێرە بنووسە