ئەمەریکا بژاردەیەکی دڵخۆشکەرو بژاردەیەکی مەترسیدار دەخاتە بەردەم هەرێم

دۆگلاس سیلیمان، باڵیۆزی ئه‌مریكا له‌ عیراق بە لایەنە سیاسییه‌كان كوردستان راده‌گه‌یه‌نێت، كه‌ ئەمەریکا  سێ بژارده‌یان دەخاتە بەردەم، كه‌ بژارده‌ی كۆتایی "مه‌ترسیدار"ه‌.

ئەمەش بژاردەکانن:1- بژارده‌ی یه‌كه‌متان : دواخستنی ریفراندۆمه‌ به‌بێ دانانی كات یان هیچ نه‌بێت تا دوای هه‌ڵبژاردنی په‌رله‌مانی عیراق و پێكهێنانی حكومه‌ت له‌ به‌غدا.

 حكومه‌تی ئه‌مریكا به‌ته‌واوی پشتیوانی له‌م بژارده‌یه‌ ده‌كات و له‌ هه‌مانكاتدا پشتیوانی سیاسی و سه‌ربازی و ئابووری ئه‌مریكا بۆ كوردستان به‌رده‌وام ده‌بێت.

2- بژارده‌ی دووه‌متان:  ئه‌نجامدانی ریفراندۆمه‌ له‌ هه‌رێمی كوردستان له‌و ناوچانه‌ی دانی پیادا نراون، به‌بێ كه‌ركوك و ناوچه‌ جێ ناكۆكه‌كانی دیكه‌، ئه‌مریكا بێده‌نگ ده‌بێت له‌ ئه‌نجامدانی ریفراندۆم له‌هه‌رێم به‌ڵام دان به‌ ئه‌نجامه‌كه‌یدا نانێت.

3-بژارده‌ی سێیه‌م کە نژاردە مەترسیدارەکەیەو ئەم بژاردەیەی ئیستایە کە پارتی جەختی لەسەر دەکاتەوە، ئەویش ئه‌نجامدانی ریفراندۆمه‌ له‌ هه‌رێمی كوردستان و ناوچه‌ جێ ناكۆكه‌كان.

بەرپرسانی ئەمەریاکا رایانگەیاندوە کە وه‌ها ریفراندۆمێك لای ئه‌مریكا هیچ شه‌رعیه‌تێكی نییه‌ و ئەگەر سوپای عیراق یان هەر گروپێکی تر په‌لاماری كه‌ركوك و كێڵگه‌ نه‌وتییه‌كان بدات و شەڕ هەڵبگیرسێ ئەوا ئەمەریکا پشتوانی کورد ناکات و دەبێت خۆیان بەرپرسیاریەتیەکە هەلگرن.

ئەمەریکیەکان پێیان وایە ئەو شەڕە ئەگەر روبدات شەڕی گەورەتری لێ دەکەوێتەوە. 

دوێنێش له‌مه‌كۆی‌ سه‌ره‌كی‌ بزوتنه‌وه‌ی‌ گۆڕان عومه‌ر سه‌ید عه‌لی‌ رێكخه‌ری‌ گشتی‌ بزوتنه‌وه‌ی‌ گۆڕان، له‌گه‌ڵ له‌دۆگلاس سیلیمان، باڵیۆزی‌ ئه‌مریكا له‌عێراق‌و كێن گرۆس كونسوڵی‌ گشتی‌ ئه‌مریكا له‌هه‌رێمی‌ كوردستان كۆبۆته‌وه‌.
 
له‌هه‌واڵه‌كه‌دا هاتووه‌، له‌كۆبونه‌وه‌یه‌كدا “باڵیۆزی‌ ئه‌مریكا له‌عێراق به‌وه‌فدی‌ بزوتنه‌وه‌ی‌ گۆڕانی‌ ڕاگه‌یاند، ئه‌مریكا له‌گه‌ڵ ئه‌نجامدانی‌ ئه‌و ریفراندۆمه‌دا نیه‌ له‌م كاته‌داو داواده‌كات بۆكاتێكی‌ گونجاوتر دوابخرێت‌”.
 
هاوكات له‌دۆگلاس سیلیمان جه‌ختیكردۆته‌وه‌ كه‌ “واشنتن دان به‌ئه‌نجامی‌ ئه‌و ریفراندۆمه‌دا نانێت ئه‌گه‌ر بكرێت.”
باڵیۆزی‌ ئه‌مریكا له‌عێراق ئه‌وه‌شی به‌وه‌فدی‌ بزوتنه‌وه‌ی‌ گۆڕان ڕاگه‌یاندووه‌ كه‌ “ئه‌نجامدانی‌ ریفراندۆم له‌كه‌ركوك به‌هه‌مو شێوه‌یه‌ك ره‌تده‌كه‌نه‌وه‌، چونكه‌ ده‌بێت هۆی‌ ئاڵۆزی‌ زیاتر.”
 
سه‌رباری‌ ناڕه‌زایی به‌رده‌وامی‌ وڵاتانی‌ زلهێز به‌رامبه‌ر ئه‌نجامدانی‌ ریفراندۆم له‌هه‌رێمی‌ كوردستان، به‌ڵام به‌رپرسانی‌ هه‌رێم سورن له‌سه‌ر ئه‌نجامدانی‌ پرۆسه‌كه‌ له‌25ی‌ ئه‌م مانگه‌دا.