ئەو وێنانەی مەکگۆرگ کە بارزانی توشی هیستریا کرد

جارێک نەوشیروان مستەفا پرسیاری لە بەرهەم ساڵح کرد، ئەرێ لە ئیدارەی ترەمپدا مەکگۆرگ دەمێنێتەوە؟ بۆم گرنگە بمێنێتەوە. بەرهەمیش وتی بۆچی حەزدەکەیت ئەو لە پرسی پەرلەماندا پشتی لە ئیوەکرد و پشتی بارزانی گرت، نەوشیروان مستەفاش وتی ئاخر لەبەر ئەوەی بۆ براکانمان لە رۆژئاوا زۆر باشە. چیرۆکەکە بە تەنها ئەمە نیە، دنیایەک نهێنی لە پشتی هەڵچونەکانی بارزانی و زورناژەنەکانی بەرامبەر بە مەکگۆرگ بۆ ئەوە دەگەرێتەوە کە مەکگۆرگ نەهێشت بارزانی بەشداری شەری موسڵ بکات بەڵام رەقەی بە یەپەگە سپارد. چەکی راستەوخۆی بۆ ناردن بەلام لە رێگەی بەغداوە چەکی دایە پێسمەرگە چونکە دەیزانی لە بازاری رەش دەیفرۆشن. ئێستا هەریەکە لە مەسعود بارزانی و رەجەن تەیب ئۆردۆگان تووشی هیستریایەکی گەورەبوون بووە بەرامبەر برێت مەکگۆرک، ئەوەس دوای ئەوەی مەکگۆرگ کارێکی کرد ئەمەریکا راستەوخۆ چەک بە یەپەگە بدات. بەشداریکردنی یەپەگە لە شەڕی رەقەو بەشداری پێنەکردنی تورکیاو پارتی لە شەڕی موسڵ ئەو گری دەرنیەیە کە بارزانی و ئۆردۆغان دوچاری بوون. لەم وێنانەدا هەموو راستیەکان دەبینن بە چاوی خۆتان. لەسەر پرسی ریفراندۆم پارتی وەها چاوەڕوانی دەکرد کە ئەمریکا فشارەکانی نەگەیەنێتە ئەو ئاستە، ئەمە دەرئەنجامی ئەو پیاهەڵدان و دەستخۆشیانە بوو کە لە سەردەمی شەڕی داعشدا هاتە ئاراوە، پارتی وەهای دەزانی ئیتر ئەمانە نەخشی سەر بەردن و بەردەوام دەبن. سێ ساڵ پێش ئێستا برێت ڕۆژێک پشتیوانی پارتی بوو، بۆ ئەنجامدانی ناشرینترین کاری سیاسی لە مێژووی نوێدا، کە پارتی پەرلەمانی پەکخست، ئەمڕۆ پشتیوانیان نیە، میدیاکارەکانی بە زمانی بازاڕی هیرسی دەکەنە سەر.