لە ڕاگەیەندراوەکەدا جوڵانەوەی نەخێر ئاماژە بەوە دەکات، ڕێگرییان لێکراوە بۆ چاودێری سندوقەکانی دەنگدان و کۆمسیۆن دەستی دەستی پێکردوون.
دەشڵێت، لە سەرەتای راگەیاندنی ریفراندۆمی ٢٥ ی ئەیلولەوە، ھەڵمەتێکی سیستەماتیك و رێکخراو لە دژی بەرەی (نەخێر) و ھەڕەشە و فشار لە دژی لایەنگر و پشتیوانەکانی بەڕێوەچوو.
هەروەها ڕاشیدەگەیەنێت "کۆمیسیۆنی باڵای سەربەخۆی ھەڵبژاردن و ڕاپرسی، دواجار بێلایەنی خۆیان لەدەست دا و بەشدارییان کرد لەو فشار و تەنگپێھەڵچنینە سیستەماتیکەی خرایە سەر بەرەی (نەخێر) و بەم کارەشیان ئەم ریفراندۆمەیان بە تەزویر و پێشێلکاری فراوان بێمانا و بێبایەخ کرد."
دەقی ڕاگەیەندراوەکەی جوڵانەوەی نەخێر لە ئێستادا:
رێگری لە جوڵانەوەی نەخێر دەکرێت چاودێری سندوقەکای دەنگدان بکات
ھەر لە سەرەتای راگەیاندنی ریفراندۆمی ٢٥ ی ئەیلول لە لایەن کۆمەڵێك حیزبی سیاسی لە دەرەوەی دامودەزگا شەرعی و دیموکراتییەکان و بێ ھیچ پاڵپشتییەکی یاسایی، لە رۆژانی سەرەتای پرۆسەکەوە بەرەی (بەڵێ) بە پێشێلکاری یاسا و رێنماییە پەیوەندیدارەکان دەستیان پێکرد. بە درێژایی رۆژانی بانگەشە جگە لەوەی بەرەی (بەڵێ) ھەمو دەزگاکانی راگەیاندن و ناوەندە حکومی و دەوڵەتیەکانیان خستە خزمەتی بانگەشەکانی خۆیان، ھەڵمەتێکی سیستەماتیك و رێکخراو لە دژی بەرەی (نەخێر) و ھەڕەشە و فشار لە دژی لایەنگر و پشتیوانەکانی بەڕێوە چو. بە ئاشکرا ئەندامانى ئەنجومەنى جوڵانەوەکەمان رووبەڕووى پێشێلکارى بونەوە بەدەرکردن و گەڕان بە دوایاندا و فشار خستنە سەریان. هەروەها بە درێژایی ماوەی بانگەشە نەك رێگری کرا لە بڵاو کردنەوەی بانگەشەی بەرەی (نەخێر) و و بە هیچ شێوەیەک دەزگا حکومیەکانی هەرێمی کوردستان تەنانەت رێیان نەدەدا لە هۆڵێکدا سیمینارێک ساز بکەین لە شارەکانی هەولێر و دهۆک , وە یەک جار یاریگای سلێمانیمان بە کار هێنا بۆ بانگەشە , بەڵام پێش بانگەشە حکومەت هاوڵاتیانی ئاگادار کردەوە کە سەردانی یایگاکە نەکەن و ئەوان نایپارێزن و هەرچی رویدا هاوڵاتیان خۆیان بەرپرسن , هەروەها تەنھا کەناڵی سەربەخۆ و بێلایەن (ئێن ئار تی) کە ریکلامی بانگەشەی بەرەی (نەخێر) ی بڵاو دەکردەوە چەندان جار و بە شێوازی جیا جیا سزا دراوە و دوایینیان دوێنێ شەو (واتە ٨ کاتژمێر پێش دەستپێکردنی ریفراندۆم دیسانەوە حکومەتی هەرێم پەخشی کەناڵەکەی راگرت لە سیستەمی ناوخۆ ).
لە ھەموو ئەوانە مەترسیدارتر، کۆمیسیۆنی باڵای سەربەخۆی ھەڵبژاردن و ڕاپرسی، دواجار بێلایەنی خۆیان لەدەست دا و بەشدارییان کرد لەو فشار و تەنگپێھەڵچنینە سیستەماتیکەی خرایە سەر بەرەی (نەخێر) و بە داخەوە لە ڕێگەی دەستی دەستی پێکردن و میکانیزمی جیا جیا فرسەتیان نەدا چاودێرانی بەرەی (نەخێر) لە ناوەندەکانی دەنگدان چاودێری پرۆسەکە بکەن و رێگری لە تەزویر و پێشێلکاری بکەن , بەم کارەیشیان ئەم ریفراندۆمەیان بە تەزویر و پێشێلکاری فراوان بێمانا و بێبایەخ کرد .
لێرەوە، سەرەڕای سوپاسی زۆرمان بۆ خەڵکی کوردستان و پشتیوانە ئازاکانی بەرەی (نەخێر) لە نواندنی ئازایەتی و ئیرادەی بێوێنە، بەھۆی پێشێلکردنی ھەمو بنەما و ستانداردە نێودەوڵەتیەکانی دەنگدانی ئازاد و ڕەوا، بانگەوازی ناوەندە پەیوەندیدارە ناوخۆییەکان و کۆمەڵگای نێودەوڵەتی دەکەین کە ئەنجامەکانی ئەم ریفراندۆمە گاڵتەجارییە رەتبکەنەوە لەبەر ئەو هۆکارانەی کە باسمان کرد , کە دیارترینیان رێگریکردنە لە چاودێری جوڵانەوەی نەخێر کە سەردانی بنکەکانی هەڵبژاردن بکەن و هەروەها پێ نەدانی باجی چاودێر بە ئەندامانی جوڵانەوەکە , کە بەم کارەیشیان تەنها لایەن کە چاودێری زیاتر لە ٧٠٠٠ سندوق دەکات خودی رێکخەرانی ریفراندۆمەکەن , بێ ئەوەی هیچ کەسێكی بەرەی نەخێر بونی هەبێت لە چاودێریکردنی بنکە و سندوقەکان .
ئەنجومەنی بەڕێوەبردنی
جوڵانەوەی نەخێر لە ئێستادا
٢٥ ی ئەیلولی ٢٠١٧
ليست هناك تعليقات:
إرسال تعليق
کۆمێنتەکەت لێرە بنووسە