نوێنەری سەرۆکی ئەمریکا لە شەڕی دژی داعش رایدەگەیەنێت "لەسەر راپرسیی کوردستان ژمارەیەک بیرۆکەی باش هەن".برێت مەکگورک لە کۆنگرەیەکی رۆژنامەڤانیدا لە نیویۆرک کە تایبەت بوو بە دوایین پێشڤەچوونەکانی شەڕی دژی داعش، رەتیکردەوە قسە لەسەر وردەکارییەکانی ئەو "بیرۆکە باشانە" بکات کە لەسەر راپرسیی کوردستان هەن و گوتی: "لەپشت دەرگا داخراوەکانەوە دانوستاندن بەردەوامە".
سەبارەت بە هەڵوێستی وڵاتەکەشی بەرامبەر بڕیاری ئەنجامدانی راپرسیی لە باشووری کوردستان گوتی: "هەڵوێستی ئێمە ئەوەیە کە دوێنێ لە دیداری نێوان سەرۆک ترەمپ و سەرۆک ئەردۆغان راگەیەندراوە".
دۆناڵد ترەمپ، سەرۆکی ئەمریکا و رەجەب تەیب ئەردۆغان، سەرۆککۆماری تورکیا، رۆژی پێنجشەممە 21-9-2017 لە نیویۆرک کۆبوونەوە و یەکێک لە تەوەری قسەکانیشیان راپرسیی باشووری کوردستان بوو. بەپێی راگەیێندراوێکی هاوبەش کە دوای کۆبوونەوەکە بڵاوکرایەوە، هەردوو سەرۆک دژایەتی خۆیان بۆ ئەنجامدانی راپرسیی دەربڕیوە.
ليست هناك تعليقات:
إرسال تعليق
کۆمێنتەکەت لێرە بنووسە